Tag: poetrycollection (Page 26 of 31)

Yeh tulu-e-roz-e-malaal hai
یہ طلوعِ روزِ ملال ہے

So gila bhi kis se karein ge hum
سو گلہ بھی کس سے کریں گے ہم

Koi dilruba, koi dil-shikan
کوئی دلرُبا، کوئی دل شِکن

Koi dil-figaar kahan raha
کوئی دل فِگار کہاں رہا

---

---

Taskeen na ho jis se woh raaz badal daalo
تسکین نہ ہو جس سے وہ راز بدل ڈالو
Jo raaz na rakh paaye humraaz badal daalo
جو راز نہ رکھ پائے، ہمراز بدل ڈالو
Tum ne bhi suni ho gi badi aam kahawat hai
تم نے بھی سنی ہو گی بڑی عام کہاوت ہے
Anjaam ka jo ho khatra aaghaz badal daalo
انجام کا جو ہو خطرہ ، آغاز بدل ڈالو
Pursoz dilon ko jo muskaan na de paaye
پُرسوز دِلوں کو جو مسکان نہ دے پائے
Sur hi na mile jis saaz mein woh saaz badal daalo
سُر ہی نہ مِلے جس ساز میں ، وہ ساز بدل ڈالو
Dushman ke iraadon ko hai zaahir agar karna
دشمن کے ارادوں کو ہے ظاہر اگر کرنا
Tum khel wohi khelo andaaz badal daalo
تم کھیل وہی کھیلو ، انداز بدل ڈالو
Ae dost karo himmat kuch door savera hai
اے دوست کرو ہمت، کچھ دُور سویرا ہے
Agar chahte ho manzil to parwaaz badal daalo
اگر چاہتے ہو منزل ، تو پرواز بدل ڈالو

---

Raaston se kya gila hai jo manzil yahan nahin
راستوں سے کیا گلہ ہے جو منزل یہاں نہیں

Jis paar tha utarna woh saahil yahan nahin
جس پار تھا اترنا وہ ساحل یہاں نہیں

Maana wohi hai sheher wohi bheer bhaar hai
مانا وہی ہے شہر، وہی بھیڑ بھاڑ ہے

Jis ko meri talaash woh mehfil yahan nahin
جس کو میری تلاش، وہ محفل یہاں نہیں

Laazim humein pe kyun hai har ek khwaab dekhna
لازم ہمیں پہ کیوں ہے، ہر اک خواب دیکھنا

Kyun hum kisi ke khwab ka haasil yahan nahin
کیوں ہم کسی کے خواب کا حاصل یہاں نہیں

Mumkin kahan hai aur ki ab justuju karun
ممکن کہاں ہے اور کی اب جستجو کروں

Jab ek nazar ke bhi koi qabil yahan nahin
جب اک نظر کے بھی کوئی قابل یہاں نہیں

Tum aur tumhare baad yeh aasaniyan huein
تم اور تمہارے بعد یہ آسانیاں ہوئیں

Ab aur koi bhi humein mushkil yahan nahin
اب اور کوئی بھی ہمیں مشکل یہاں نہیں

Kaise kahun yeh jhoot ke seene mein dil nahin
کیسے کہوں یہ جھوٹ کہ سینے میں دل نہیں

Yeh bhi hai sach woh pehli si halchal yahan nahin
یہ بھی ہے سچ، وہ پہلی سی ہلچل یہاں نہیں

Neendon ko hum se bichhde zamane guzar gaye
نیندوں کو ہم سے بچھڑے زمانے گزر گئے

Yaadon se aaj kehna woh ghaafil yahan nahin
یادوں سے آج کہنا وہ غافل یہاں نہیں

Jo bhi yahan pe nikla mohabbat ko baantne
جو بھی یہاں پہ نکلا محبت کو بانٹنے

Darya mein phaink aaya ke saail yahan nahin
دریا میں پھینک آیا کہ سائل یہاں نہیں

Abrak uthho chalo kahin dete hain aur jaan
ابرک، اٹھو، چلو کہیں دیتے ہیں اور جاں

To jis ko dhoondhta hai woh qaatil yahan nahin
تو جس کو ڈھونڈتا ہے وہ قاتل یہاں نہیں

---

‏Ek aisay gham-shanaas ki hasrat rahi mujhe
ایک ایسے غم شناس کی حسرت رہی مجھے

Jo roye mere saath mujhe hosla na de
جو روئے میرے ساتھ، مجھے حوصلہ نہ دے

---

---

Roo-ba-roo woh hai ibaadat kar raha hoon
رُو برو وہ ہے، عبادت کر رہا ہوں

Us ke chehre ki tilaawat kar raha hoon
اُس کے چہرے کی تلاوت کر رہا ہُوں

Lo khareedo ik nazar ke mol mujh ko
لو خریدو اِک نظر کے مول مجھ کو

Apni qeemat mein ri’ayat kar raha hoon
اپنی قیمت میں رعایت کر رہا ہُوں

Li hai zabt ne mujh se ijaazat
لی ہے ضبط نے مجھ سے اجازت

Apne mehmaanon ko rukhsat kar raha hoon
اپنے مہمانوں کو رخصت کر رہا ہوں

Chhin gaya mulk-e-jawani bhi to kya gham
چِھن گیا مُلکِ جوانی بھی تو کیا غم

Ab bhi yaadon par hukoomat kar raha hoon
اب بھی یادوں پر حکومت کر رہا ہوں

Us ne to bas ek zara si baat chheddi
اُس نے تو بس اک ذرا سی بات چھیڑی

Main wazaahat par wazaahat kar raha hoon
میں وضاحت پر وضاحت کر رہا ہوں

---

---

Judai mera to nuqsaan kar nahi sakti
جدائی میرا تو نقصان کر نہیں سکتی

Hamare paas to kuch bhi nahi hai khone ko
ہمارے پاس تو کچھ بھی نہیں ہے کھونے کو

Main chahta bhi yahi tha ke tu chala jaye
میں چاہتا بھی یہی تھا کہ تُو چلا جائے

Main chahta tha mile kuch mujhe bhi rone ko
میں چاہتا تھا ملے کچھ مجھے بھی رونے کو

---

---

Muqaddar ki zanjeer se bandhe hum bebas log
مقدر کی زنجیر سے بندھے ہم بے بس لوگ

Umar guzar dete hain mo’jzon ke intezar mein
عمر گزار دیتے ہیں معجزوں کے انتظار میں

---

---