Marahil-e-shauq ke dushwaar hua karte hain
مرحلے شوق کے دُشوار ہُوا کرتے ہیں
Saaye bhi raah ki deewaar hua karte hain
سائے بھی راہ کی دیوار ہُوا کرتے ہیں
Woh jo sach bolte rehne ki qasam khaate hain
وہ جو سچ بولتے رہنے کی قسم کھاتے ہیں
Woh adalat mein gunahgaar hua karte hain
وہ عدالت میں گُنہگار ہُوا کرتے ہیں
Sirf haathon ko na dekho kabhi aankhein bhi paro
صرف ہاتھوں کو نہ دیکھو کبھی آنکھیں بھی پڑھو
Kuch sawaali bade khuddaar hua karte hain
کچھ سوالی بڑے خودار ہُوا کرتے ہیں
Woh jo pathar yunhi raste mein paday rehte hain
وہ جو پتھر یونہی رستے میں پڑے رہتے ہیں
Un ke seene mein bhi shahkaar hua karte hain
اُن کے سینے میں بھی شہکار ہُوا کرتے ہیں
Subah ki pehli kiran jin ko rula deti hai
صبح کی پہلی کرن جن کو رُلا دیتی ہے
Woh sitaaron ke azaadaar hua karte hain
وہ ستاروں کے عزادار ہُوا کرتے ہیں
Jin ki aankhon mein sada pyaas ke sehra chamken
جن کی آنکھوں میں سدا پیاس کے صحرا چمکیں
Dar haqeeqat wohi fankaar hua karte hain
در حقیقت وہی فنکار ہُوا کرتے ہیں
Sharm aati hai ke dushman kise samjhein mohsin
شرم آتی ہے کہ دُشمن کِسے سمجھیں محسن
Dushmani ke bhi to mayaar hua karte hain
دُشمنی کے بھی تو معیار ہُوا کرتے ہیں
Leave a Reply