تیـــرے ارد گـرد وہ شـور تھـا ، مـری بـات بیچ میں رہ گئی
نہ میں کہہ سکا نہ تو سن سکا ، مری بات بیچ میں رہ گئی
میرے دل کو درد سے بھر گیا ، مجھے بے یقین سا کر گیا
تیـــــرا بـات بـات پہ ٹـوکـــنـا ، مـری بـات بیچ میں رہ گئی
تـرے شہـر میں مـرے ہم سفـر ، وہ دکھوں کا جم غفیر تھا
مجھے راسـتہ نہیں مـل سـکا ، مـری بـات بیچ میں رہ گئی
وہ جو خواب تھے مرے سامنے ، جو سراب تھے مرے سامنے
میں انہـی میں ایسے الجھ گیا ، مری بات بیچ میں رہ گئی
عجب ایک چپ سی لگی مجھے ، اسی ایک پل کے حصار میں
ہـوا جس گھـڑی تـرا سـامـنـا ، مـری بـات بیچ میں رہ گئی
کہیں بے کنار تھیں خواہشیں ، کہیں بے شمار تھیں الجھنیں
کہـیں آنسـوؤں کا ہجـوم تھـا ، مـری بـات بیچ میں رہ گئی
تھا جو شور میری صداؤں کا ، مری نیم شب کی دعاؤں کا
ہـوا مـلتفت جـو مـرا خــــــــدا ، مـری بـات بیچ میں رہ گئی
مری زندگی میں جو لوگ تھے ، مرے آس پاس سے اٹھ گئے
مـیں تـو رہ گـیا انہـیں روکــتـا ، مـری بـات بیچ میں رہ گئی
تـری بـے رخی کے حصـار میں ، غـم زنـدگی کـے فشـار مـیں
مــــرا ســـارا وقت نکل گـــیـا ، مـری بـات بیچ میں رہ گئی
مجھے وہم تھا ترے سامنے ، نہیں کھل سکے گی زباں مری
سـو حقـیقـتـاً بھی وہی ہـوا ، مـری بـات بیچ میں رہ گئی
کلام : امجد اسلام امجدTere ird gird woh shor tha, meri baat beech mein reh gayi Na main keh saka, na tu sun saka, meri baat beech mein reh gayi
Mere dil ko dard se bhar gaya, mujhe be-yaqeen sa kar gaya Tera baat baat pe tokna, meri baat beech mein reh gayi
Tere sheher mein mere humsafar, woh dukhon ka jam-e-ghafir tha Mujhe raasta nahi mil saka, meri baat beech mein reh gayi
Woh jo khwab they mere saamne, jo sarab they mere saamne Main unhi mein aise ulajh gaya, meri baat beech mein reh gayi
Ajab ek chup si lagi mujhe, usi ek pal ke hisaar mein Hua jis ghadi tera saamna, meri baat beech mein reh gayi
Kahin be-kinar theen khwahishein, kahin be-shumar theen uljhanein Kahin aansuon ka hujoom tha, meri baat beech mein reh gayi
Tha jo shor meri sadaon ka, meri neem shab ki duaon ka Hua multafit jo mera Khuda, meri baat beech mein reh gayi
Meri zindagi mein jo log they, mere aas paas se uth gaye Main toh reh gaya unhein rokta, meri baat beech mein reh gayi
Teri be-rukhi ke hisaar mein, gham-e-zindagi ke fishaar mein Mera sara waqt nikal gaya, meri baat beech mein reh gayi
Mujhe weham tha tere saamne, nahi khul sakegi zubaan meri So haqeeqatan bhi wohi hua, meri baat beech mein reh gayi
Kalam: Amjad Islam Amjad