کیا لگے آنکھ کہ پھر دل میں سمایا کوئی
رات بھر پھرتا ہے اس شہر میں سایا کوئی
فکر یہ تھی کہ شبِ ہجر کٹے گی کیوں کر
لطف یہ ہے کہ ہمیں یاد نہ آیا کوئی
شوق یہ تھا کہ محبت میں جلیں گے چپ چاپ
رنج یہ ہے کہ تماشا نہ دکھایا کوئی
شہر میں ہمدمِ دیرینہ بہت تھے ناصر
وقت پڑنے پہ مرے کام نہ آیا کوئی
Tag: urdupoetry (Page 13 of 36)
Chara gar aye dil-betaab kahan atey hain,
Mujh ko khush rehney key aadaab kahan atey hain,
Mein to yak musht usey sounp don sub kuch,lekin
Ek muthi mein merey khuwab kahan atey hain,
Mudaton bad usey dekh key dil bhar aya,
Warna sehraahon mein sylaab kahan atey hain,
Meri be-dard nighaon mein agar bhooley sey ,
Nind aye bhi to ab khuwab kahan atey hain,
Tanhan rehta hoon mein din bhar,bhari duniya mein Qateel,
Din burey hoon to phir ahbaab kahan atey hain…
Deep jis ka mehllaat hi mein jaley,
Chand logon ki khushiyon ko le kar chaley,
Wo jo saaye mein har maslehat ke paley,
Aisey dastoor ko,
Sub-he-be-noor ko,
Main nahein maanta,
Main nahein jaanta.
Main bhi khaaif nahein takhta-e-daar se,
Main bhi Mansoor hoon, keh do aghyaar se,
Kyun daraatey ho zindaan ki deevar se,
Zulm ki baat ko,
Jehl ki raat ko,
Main nahein maanta,
Main nahein jaanta.
“Phool shaakhon pe khilne lagey” tum kaho,
“Jaam rindon ko milne lagey” tum kaho,
“Chaak seenon kay silne lagey” tum kaho,
Iss khule jhooth ko,
Zehn ki loot ko,
Main nahein maanta,
Main nahein jaanta.
Tum nay loota hai sadyon hamaara sukoon,
Ab na hum per chalega tumhara fasoon,
Charaagar dardmandon ke bantey ho kyun?
Tum nahein charaagar,
Koi maane magar,
Main nahein maanta,
Main nahein jaanta.
یہ کیسی عطا پر عطا ہو گئی ہے
لکھا جو محمدﷺ ثنا ہو گئی ہے
مجھے بھی خدارا مدینے بلا لیں
یہاں زندگی اب سزا ہو گئی ہے
کیا ذکر میں نے حبیبِ خدا کا
معطر یہاں کی فضا ہو گئی ہے
میں ہر پل ثنائے محمدﷺ میں گُم ہوں
مرے دل کو تسکیں عطا ہو گئی ہے
لیا تیرگی میں جو نامِ محمدﷺ
مرے چار سو پھر ضیا ہو گئی ہے
بچھڑ کر دیارِ نبیﷺ سے حذیفہ
خوشی مجھ سے ہراک خفا ہو گئی ہے
موسموں کے تغیر کو بھانپا نہیں چھتریاں کھول دیں
زخم بھرنے سے پہلے کسی نے مری پٹیاں کھول دیں
ہم مچھیروں سے پوچھو سمندر نہیں ہے یہ عفریت ہے
تم نے کیا سوچ کر ساحلوں سے بندھی کشتیاں کھول دیں
اس نے وعدوں کے پربت سے لٹکے ہوؤں کو سہارا دیا
اس کی آواز پر کوہ پیماؤں نے رسیاں کھول دیں
دشتِ غربت میں ، میں اور میرا یارِ شب زاد باہم ملے
یار کے پاس جو کچھ بھی تھا یار نے گٹھڑیاں کھول دیں
کچھ برس تو تری یاد کی ریل دل سے گزرتی رہی
اور پھر میں نے تھک ہار کے ایک دن پٹریاں کھول دیں
اس نے صحراؤں کی سیر کرتے ہوئے اک شجر کے تلے
اپنی آنکھوں سے عینک اتاری کہ دو ہرنیاں کھول دیں
زرد ہوتے ہوئے موسم کی نظر جانتا ہوں
چھوڑ جائیں گے پرندے بھی شجر، جانتا ہوں
تو سمجھتا ہے مرا ظرف ، مری نادانی
چپ مروت میں ہوں ہر بات مگر جانتا ہوں
کسی منزل کسی تعبیر کی امید نہیں
خواب تیرا ہے فقط زادِ سفر ، جانتا ہوں
وہ بھی دستک پہ مری کان نہیں دھرتا ہے
میں بھی دنیا میں فقط ایک ہی در جانتا ہوں
ارے قاصد یونہی رنجیدہ پریشان نہ ہو
تو جو لایا ہے خبر ، میں وہ خبر جانتا ہوں
لوٹ آنے پہ ترے جشن ہو برپا کیوں کر
پھر بدل جائے گی کل تیری نظر جانتا ہوں
سر جھکا کر جسے دستار ملے، اس پہ ہے تف
جرم انکار ہو جس کا ، اسے سر جانتا ہوں
میں بھی ہنستا تھا کبھی مجنوں کے افسانوں پر
آج مجنوں کی طرح دشت کو گھر جانتا ہوں
Nigha-e-aib geeri sey jo dekha ahil-e-aalam ko,
Koi kafir,koi fasiq,koi zandiq-e-akbar tha,
Magar jab hogaya dil ahtesab-e-nafs par maail,
Huwa sabit ke har farzand-e-aadam mujh sey behtar tha…
نگاہ عیب گیری سے جو دیکھا اہل عالم کو
کوئی کافر ،کوئی فاسق ،کوئی زندیق اکبر تھا
مگر جب ہوگیا دل احتساب نفس پر مائل
ہوا ثابت کہ ہر فرزند آدم مجھ سے بہتر تھا