Hobbies Posts

بُھولے نہ کِسی حال میں آدابِ نظر ہم
Bhoole na kisi haal mein aadaab-e-nazar hum

مُڑ کر نہ تُجھے دیکھ سکے وقتِ سفر ہم
Mur kar na tujhe dekh sake waqt-e-safar hum

اے حُسن کِسی نے تُجھے اِتنا تو نہ چاہا
Ae husn kisi ne tujhe itna to na chaaha

برباد ہُوا تیرے لیے کون؟ مگر ہم
Barbaad hua tere liye kaun? Magar hum

جینے کا ہمیں خود نہ مِلا وقت تو کیا ہے
Jeenay ka humein khud na mila waqt to kya hai

لوگوں کو سِکھاتے رہے جینے کا ہُنر ہم
Logon ko sikhate rahe jeenay ka hunar hum

اب تیرے تعلُّق سے ہمیں یاد ہے اِتنا
Ab tere ta’alluq se humein yaad hai itna

اک رات کو مہمان رہے تھے تیرے گھر ہم
Ek raat ko mehmaan rahe thay tere ghar hum

دُنیا کی کسی چھاؤں سے دُھندلا نہیں سکتا
Duniya ki kisi chhaon se dhundla nahin sakta

آنکھوں میں لیے پِھرتے ہیں وہ خوابِ سحر ہم
Aankhon mein liye phirte hain woh khwab-e-seher hum

وہ کون سی آہٹ تھی جو خوابوں میں دھر آئی
Woh kaun si aahat thi jo khwabon mein dhar aayi

کیا جانِیے کیوں چونک پڑے پچھلے پہر ہم
Kya janiye kyun chonk pare pichlay pehar hum

– جاں نثار اخترؔ (Jaan Nisar Akhtar)

سب چراغوں کی ہدایات کا مطلب سمجھے
Sab charaghon ki hidaayaat ka matlab samjhe

چاند روٹھا تو سیہ رات کا مطلب سمجھے
Chaand rootha to siyah raat ka matlab samjhe

اس پہ اترے تھے محبت کے صحیفے لیکن
Us pe utaray thay mohabbat ke saheefay lekin

ایک کافر کہاں تورات کا مطلب سمجھے
Ek kafir kahan Toraat ka matlab samjhe

کون رہ رہ کے وفاؤں کو نبھانا سیکھے
Kaun reh reh ke wafaon ko nibhaana seekhe

کون فرسودہ روایات کا مطلب سمجھے
Kaun farsooda riwayaat ka matlab samjhe

اس سے پہلے تو دعاؤں پہ یقیں تھا کم کم
Is se pehle to duaon pe yaqeen tha kam kam

تو نے چھوڑا تو مناجات کا مطلب سمجھے
Tu ne chhoda to manaajaat ka matlab samjhe

جب وہ بھر بھر کے لٹاتا رہا اوروں پہ خلوص
Jab woh bhar bhar ke lutaata raha auron pe khuloos

ہم تہی دست عنایات کا مطلب سمجھے
Hum tehi dast inayaath ka matlab samjhe

اب کسی اور طرف بات گھمانے والے
Ab kisi aur taraf baat ghumaane walay

میں سمجھتی ہوں تری بات کا مطلب، سمجھے
Main samajhti hoon teri baat ka matlab, samjhe

تجھ کو بھی چھوڑ کے جائے ترا اپنا کوئی
Tujh ko bhi chhod ke jaaye tera apna koi

تو بھی اک روز مکافات کا مطلب سمجھے
Tu bhi ek roz mukaafaat ka matlab samjhe

– کومل جوئیہ (Komal Joiya)

لوگ کہتے ہیں کہ اِس کھیل میں سر جاتے ہیں
Log kehte hain ke is khel mein sar jaate hain

عشق میں اِتنا خسارہ ہے تو گھر جاتے ہیں
Ishq mein itna khsara hai to ghar jaate hain

موت کو ہم نے کبھی کُچھ نہیں سمجھا مگر آج
Maut ko hum ne kabhi kuch nahin samjha magar aaj

اپنے بچوں کی طرف دیکھ کے ڈر جاتے ہیں
Apne bachon ki taraf dekh ke dar jaate hain

زندگی ایسے بھی حالات بنا دیتی ہے
Zindagi aisay bhi halaat bana deti hai

لوگ سانسوں کا کفن اوڑھ کے مر جاتے ہیں
Log saanson ka kafan orh ke mar jaate hain

پاؤں میں اب کوئی زنجیر نہیں ڈالتے ہم
Paon mein ab koi zanjeer nahin daalte hum

دل جدھر ٹھیک سمجھتا ہے اُدھر جاتے ہیں
Dil jidhar theek samajhta hai udhar jaate hain

کیا جنوں خیز مسافت تھی ترے کوچے کی
Kya junoon khaiz musaafat thi teray koochay ki

اور اب یوں ہے کہ خاموش گزر جاتے ہیں
Aur ab yun hai ke khaamosh guzar jaate hain

یہ محبت کی علامت تو نہیں ہے کوئی
Yeh mohabbat ki alaamat to nahin hai koi

تیرا چہرہ نظر آتا ہے جِدھر جاتے ہیں
Tera chehra nazar aata hai jidhar jaate hain

– شکیل جمالی (Shakeel Jamali)

‏ٹوٹی ہے میری نیند مگر تم کو اس سے کیا
Tooti hai meri neend magar tum ko is se kya

‏بجتے رہیں ہواؤں سے در تم کو اس سے کیا
Bajte rahein hawaon se dar, tum ko is se kya

‏تم موج موج مثل صبا گھومتے رہو
Tum mauj mauj misl-e-saba ghoomte raho

‏کٹ جائیں میری سوچ کے پر تم کو اس سے کیا
Kat jaayein meri soch ke par, tum ko is se kya

‏اوروں کا ہاتھ تھامو انہیں راستہ دکھاؤ
Auron ka haath thaamo, unhein raasta dikhao

‏میں بھول جاؤں اپنا ہی گھر تم کو اس سے کیا
Main bhool jaaun apna hi ghar, tum ko is se kya

‏ابر گریز پا کو برسنے سے کیا غرض
Abr-e-gurez pa ko barasne se kya gharaz

‏سیپی میں بن نہ پائے گہر تم کو اس سے کیا
Seepee mein ban na paaye gaher, tum ko is se kya

‏لے جائیں مجھ کو مال غنیمت کے ساتھ عدو
Le jaayein mujh ko maal-e-ghanimat ke saath adu

‏تم نے تو ڈال دی ہے سپر تم کو اس سے کیا
Tum ne to daal di hai sipar, tum ko is se kya

‏تم نے تو تھک کے دشت میں خیمے لگا لیے
Tum ne to thak ke dasht mein khaime laga liye

‏تنہا کٹے کسی کا سفر تم کو اس سے کیا
Tanha kate kisi ka safar, tum ko is se kya

– پروین شاکر (Parveen Shakir)

تتلی سے دوستی نہ گلابوں کا شوق ہے
میری طرح اسے بھی کتابوں کا شوق ہے

ورنہ تو نیند سے بھی نہیں کوئی خاص ربط
آنکھوں کو صرف آپ کے خوابوں کا شوق ہے

ہم عاشق غزل ہیں تو مغرور کیوں نہ ہوں
آخر یہ شوق بھی تو نوابوں کا شوق ہے

اس شخص کے فریب سے واقف ہیں ہم مگر
کچھ اپنی پیاس کو ہی سرابوں کا شوق ہے

گرنے دو خود سنبھلنے دو ایسے ہی چلنے دو
یہ تو شاہد خانہ خرابوں کا شوق ہے

چراغ شرما

Titli se dosti na gulaabon ka shauq hai,
Meri tarah usay bhi kitaabon ka shauq hai~!!

Warna to neend se bhi nahin koi khaas rabt,
Aankhon ko sirf aap ke khwaabon ka shauq hai~!!

Hum aashiq-e-ghazal hain to maghroor kyu na hon,
Aakhir yeh shauq bhi to navaabon ka shauq hai~!!

Us shakhs ke fareb se waaqif hain hum magar,
Kuch apni pyaas ko hi saraabon ka shauq hai~!!

Girnay do, khud sambhalnay do, aisay hi chalnay do,
Yeh to shaahid khaana-kharaabon ka shauq hai~!!

– Chiragh Sharma

مُحسن غریب لوگ بھی , تِنکوں کا ڈھیر ھیں

مَلبے میں دَب گئے ، کبھی پانی میں‌ بہہ گئے

Mohsin ghareeb log bhi, tinkon ka dhair hain
Malbay mein dab gaye, kabhi paani mein beh gaye

میں اس لئے بھی اکڑتا نہیں کمال کے وقت
کہ شرم سار نہ ہونا پڑے زوال کے وقت

دو اشک بھر کے ندامت سنبھال رکھی ہے
اگر جواب نہ سوجھا کوئی سوال کے وقت

سبھی کا لمحہ ء تخلیق ایک ساعتِ کُن
خدا کسی کو بناتا نہیں نکال کے وقت

میں دیکھتا ہوں ،،مدینہ ہے ،،ایک مسجد ہے
اور اس پہ خواب میں پہلی اذاں بلال کے وقت

ابھی تو زخم دیا ہے ابھی نہ دل سے اُتر
مکیں مکاں تو نہیں چھوڑتے وبال کے وقت

وہ دیکھنے میں تو عالی وقار دکھتا ہے
حسب نسب کی خبر ہو گی بول چال کے وقت

ہجوم رشک کرے گا کہ سنگ مارے گا
فقیر یہ تو نہیں سوچتا دھمال کے وقت

ڈاکٹر احمد خلیل

Main is liye bhi akarta nahin kamaal ke waqt
Ke sharm-saar na hona pare zawaal ke waqt

Do ashk bhar ke nadamat sambhaal rakhi hai
Agar jawaab na soojha koi sawaal ke waqt

Sabhi ka lamha-e-takhleeq aik sa’at-e-kun
Khuda kisi ko banata nahin nikaal ke waqt

Main dekhta hoon, Madina hai, aik masjid hai
Aur us pe khwab mein pehli azaan Bilal ke waqt

Abhi to zakhm diya hai, abhi na dil se utar
Makeen makaan to nahin chhodte wabaal ke waqt

Woh dekhne mein to aali waqaar dikhta hai
Hasab nasab ki khabar hogi bol chaal ke waqt

Hajoom rashk kare ga ke sang maare ga
Faqeer yeh to nahin sochta dhamaal ke waqt

– Dr. Ahmad Khalil