Category: Poetry

‏صحبتِ اہلِ زمانہ مجھے کیا راس آتی

Sohbat-e-ahl-e-zamana mujhe kya raas aati

شور سے بھاگتا ہوں، زعم سے گھبراتا ہوں

Shoar se bhaagta hoon, za’am se ghabrata hoon

---

کِس طرز سے گزار رہا ہے مجھے یہ وقت

Kis tarz se guzar rha hai mujhe ye waqt

کِن تعلقوں کے دام میں آیا ہوا ہوں میں

Kin taalluqon ke daam mein aaya hua hoon main

دیکھوں تو میرے چار سُو اِتنا ہجوم ہے

Dekhoon to mere chaar soo itna hujoom hai

سوچُوں تو عین وسط میں تنہا کھڑا ہوں میں

Sochoon to ain-e-wast mein tanha khada hoon main

---

Main hoon, tum ho, belen, pair, parinday hain
میں ہوں، تم ہو، بیلیں، پیڑ، پرندے ہیں

Kitne arsay baad, mukammal jungle hai
کتنے عرصے بعد، مکمل جنگل ہے

Mujh mein koi goshah bhi aabaad nahin
مجھ میں کوئی گوشہ بھی آباد نہیں۔

Jungle hai Sarkaar, musalsal jungle hai
جنگل ہے سرکار، مسلسل جنگل ہے

---

— Umair Najmi
— عمیر نجمی

Hum khud aazaar the so logon ko
ہم خود آزار تھے سو لوگوں کو

Aazmaate chale gaye honge
آزماتے چلے گئے ہوں گے

Hum jo duniya se tang aaye hain
ہم جو دنیا سے تنگ آئے ہیں

Tang aate chale gaye honge
تنگ آتے چلے گئے ہوں گے

— Jaun Elia
— جون ایلیا

Ikhtilaf-e-jahaan ka ranj na tha
اختلافِ جہاں کا رنج نہ تھا

De gaye maat hum-khayaal humein
دے گئے مات ہم خیال ہمیں

Kya tawaqqo karein zamaane se
کیا توقع کریں زمانے سے

Ho bhi gar jur’at-e-sawaal humein
ہو بھی گر جرأتِ سوال ہمیں

Hum yahan bhi nahin hain khush lekin
ہم یہاں بھی نہیں ہیں خوش لیکن

Apni mehfil se mat nikaal humein
اپنی محفل سے مت نکال ہمیں

---

— Ahmed Faraz
— احمد فرازؔ

Tamaam log samajhte hain sabz pair mujhe
تمام لوگ سمجھتے ہیں سبز پیڑ مجھے

Hawa-e-zard koi aur din, na chheṛ mujhe
ہوائے زرد کوئی اور دن، نہ چھیڑ مجھے

Zara sa waqt laga, khud ko bun liya maine
ذرا سا وقت لگا، خود کو بُن لیا میں نے

Kaha tha itne saleeqe se mat adheṛ mujhe
کہا تھا اتنے سلیقے سے مت ادھیڑ مجھے

— Komal Joya
— کومل جوئیہ

Koi mila to haath milaya, kahin gaye to baatein keen
کوئی ملا تو ہاتھ ملایا، کہیں گئے تو باتیں کیں

Ghar se baahir jab bhi nikle, din bhar bojh uṭhaya hai
گھر سے باہر جب بھی نکلے، دن بھر بوجھ اُٹھایا ہے

---

Kami nahi hai kisi cheez ki magar aksar
کمی نہیں ہے کسی چیز کی مگر اکثر

Akeela baith ke roya hoon zaar zaar bohat
اکیلا بیٹھ کے رویا ہوں زار زار بہت

---

Waqt ki urti dhool mein apne naqsh gunwaaye phirte hain
وقت کی اُڑتی دُھول میں اپنے نقش گنوائے پھرتے ہیں

Rim jhim subhoon, roshan shaamon, resham raatoon walay log
رِم جھِم صبحوں، روشن شاموں، ریشم راتوں والے لوگ

---

— Mohsin Naqvi
— محسنؔ نقوی

Dam ghuta jaata hai afsurdah dili se, yaaro
دم گھٹا جاتا ہے افسردہ دلی سے، یارو

Koi afwaah hi phailaao ke kuch raat kate
کوئی افواہ ہی پھیلاؤ کہ کچھ رات کٹے

---

— Nasir Kazmi
— ناصرؔ کاظمی