Author: Admin

تجربہ تھا، سو دعا کی تا کہ نقصان نہ ہو عشق مزدور کو مزدوری کے دوران نہ ہو  میں اسے دیکھ نہ پاتا تھا “پریشانی” میں سو دعا کرتا تھا، مر جاۓ، پریشان نہ ہو گاؤں میں دور کی سِسکی بھی سنی جاتی ہے سب پہنچتے ہیں، بھلے آنے کا اعلان نہ ہو ایک رقاصہ نے اک عمر یہاں “رقص” کیا دل کی دھک دھک میں چھنن چھن ہے تو حیران نہ ہو اب تعوّذ کو بدل دینے میں کیا راۓ ہے؟ جہاں شیطان لکھا ہے، وہاں انسان نہ ہو؟ شکریہ! مجھ کو نہ دیکھا، مِری مشکل حل کی میری کوشش بھی یہی تھی، مِری پہچان نہ ہو افکار علوی