وہ بلائیں تو کیا تماشا ہو
Woh bulaayen to kya tamasha ho

ہم نہ جائیں تو کیا تماشا ہو
Hum na jaayen to kya tamasha ho

یہ کناروں سے کھیلنے والے
Yeh kinaaron se khelnay walay

ڈوب جائیں تو کیا تماشا ہو
Doob jaayen to kya tamasha ho

بندہ پرور جو ہم پہ گزری ہے
Banda parwar jo hum pe guzri hai

ہم بتائیں تو کیا تماشا ہو
Hum bataayen to kya tamasha ho

آج ہم بھی تری وفاؤں پر
Aaj hum bhi teri wafaon par

مسکرائیں تو کیا تماشا ہو
Muskuraayen to kya tamasha ho

تیری صورت جو اتفاق سے ہم
Teri soorat jo ittefaq se hum

بھول جائیں تو کیا تماشا ہو
Bhool jaayen to kya tamasha ho

وقت کی چند ساعتیں ساغر
Waqt ki chand saa’atein Saghar

لوٹ آئیں تو کیا تماشا ہو
Laut aayein to kya tamasha ho

— ساغرؔ صدیقی
— Saghar Siddiqui