عجیب کرب میں گزری، جہاں جہاں گزری
اگر چہ چاہنے والوں کے درمیاں گزری
تمام عمر جلاتے رہے چراغِ امید
تمام عمر امیدوں کے درمیاں گزری
گزر گئی جو ترے ساتھ یادگار رہی
ترے بغیر جو گزری ، وبالِ جاں گزری
مجھے سکون میّسر نہیں تو کیا غم ہے
گلوں کی عمر تو کانٹوں کے درمیاں گزری
عجیب چیز ہے محسن یہ گردشِ حالات
کبھی زمِیں تو کبھی مثلِ آسماں گزری
محسن نقوی
Ajeeb karab mein guzri, jahan jahan guzri
Agar cheh chahne walon ke darmiyan guzri
Tamaam umar jalate rahe charagh-e-umeed
Tamaam umar umeedon ke darmiyan guzri
Guzar gayi jo tere saath yaadgar rahi
Tere baghair jo guzri, wabal-e-jaan guzri
Mujhe sukoon mayassar nahi toh kya gham hai
Gulon ki umr toh kaanton ke darmiyan guzri
Ajeeb cheez hai Mohsin yeh gardish-e-halaat
Kabhi zameen toh kabhi misle asman guzri
-Mohsin Naqvi