قید میں گزرے گی جو عمر بڑے کام کی تھی
پر میں کیا کرتی کہ زنجیر ترے نام کی تھی

جس کے ماتھے پہ مرے بخت کا تارہ چمکا
چاند کے ڈوبنے کی بات اسی شام کی تھی

میں نے ہاتھوں کو ہی پتوار بنایا ورنہ
ایک ٹوٹی ہوئی کشتی مرے کس کام کی تھی

وہ کہانی کہ ابھی سوئیاں نکلیں بھی نہ تھیں
فکر ہر شخص کو شہزادی کے انجام کی تھی

یہ ہوا کیسے اڑا لے گئی آنچل میرا
یوں ستانے کی تو عادت مرے گھنشیام کی تھی

بوجھ اٹھاتے ہوئے پھرتی ہے ہمارا اب تک
اے زمیں ماں تری یہ عمر تو آرام کی تھی

پروین__شاکر

Qaid mein guzray gi jo umar baray kaam ki thi
Par mein kya karti ke zanjeer tere naam ki thi

Jis ke maathe pe mere bakht ka taara chamka
Chaand ke doobnay ki baat usi shaam ki thi

Maine haathon ko hi patwaar banaya warna
Ek tooti hui kashti mere kis kaam ki thi

Woh kahani ke abhi soiyan nikalin bhi na thi
Fikr har shakhs ko shehzadi ke anjaam ki thi

Yeh hawa kaise uda le gayi aanchal mera
Yoon sataanay ki toh aadat mere Ghunshyam ki thi

Bojh uthaatay hue phirti hai hamara ab tak
Ae zameen maa teri yeh umar toh aaram ki thi

-parveen shakir